برايمر ميك اب فور ايفر make up forever step1 skin equalizer

السلام عليكم ورحمة الله وبركاتة ..

كيفكم بنات ان شاء الله مناح .. بقول وحشتوني بس و الله يسعدكم وحدة وحدة على سؤالكم عني و كلامكم الحلو والترفيع الايجابي لي اشكركم من اعماق صماصيم قلبي وبس

اليوم بتكلم عن شيء كنت متحمسة لو مرا مرا و طلع قد حماسي اول شيء هذا رأي الصدقي الاولي و أن شاء الله لما اجربو كويس حسوي ابديت لهاذي التدوينة  ؛)


بتكلم عنها اول شيء بشكل عام قبل ما اتكلم عن اللي عندي هيا مقسومة قسمين نقدر نقول برايمرات عادية لمشاكل البشرة من مسامات وجفاف وكذا والثانية لا كوركتر لتصحيح الالوان بالبشرة وكلها المجموعتين تساعدك فتثبيت مكياجك اكثر

المجموعة اللي عندي هيا الاولى ورحت امس ابغى اخذ واحد من الكوركترز اللي هوا الاورانج كنت ناوية اجربه على عيوني و وحوالين فمي مع انو ما عندي تصبغات قوية حوالين فمي بس الاساس لو فاتح نقطة نقطة بس ما يجي حلو فدايما معتمدة شيء طبيعي ونفس لوني عشان ما يصدمني ويتغير لونة .. للاسف ما لقيتو مخلص و كل البرايمرات تقريبا باقي كم حبة من كل واحد انا رحت البوتيك اللي بالسلام .. شكلي مو انا الوحيدة اللي ميتة عندها هههههههههه

نبدا بالاثنين المخصصة للبشرة الدهنية وهيا الاسود والرمادي

#base_matifiante_mattifying_primer

هذا وظيفتة يثبت لك الميك و يمنع اللمعة ويخلي بشرتك مات بدون ما تحسي بجفاف ولا بشد بطل للي بشرتها دهنية تركيبته زي البلسم ما تحسيه من البرايمرات اللي تكتم او تسوي طبقة مزعجة .. ويقولوا انو يخلي بشرتك مات لفترة طويلة كم عاد مدري بس حجربة وزي ما قلت بقولكم كم جلس مات او مطفي

#base_lissante_smoothing_primer


هذا الثاني و هذا اللي يشبه بالاداء برايمر بنفت بروفيشنال
يعبي لك الخطوط والمسامات وينعم البشرة ويحضرها للفونديشن و يزيد من ثبات مكياجك بس هذا احس بيكون بالنسبة لي افضل من بروفيشنال ليش لاني احسو ما يجفف .. برايمر بروفيشنال بنفت ينفع للبشرة الدهنية جدا لكن اللي  عادية ممكن يقلب معاها بودرة ويبينها جافة وممكن يسبب قشور .. هذا مو معناته بروفيشنال مو كويس بالعكس مرا جبار لكن هذا حسيته ينفع للعادية لانو تركيبتة مو جافة ويقلب بودرة لا بس يعبي لك المسامات


رأي الشخصي البحت اللي مو مجبورين تمشون عليه طبعا بس رأي ههههههه : اللي بشرتها عادية تاخذة اما اللي دهنية تاخذ بروفيشنال من بنفت

#base_hydratante_hydrating_primer


وهذا الثالث وينفع للبشرات الجافة والعادية اللي مايلة على الجفاف قوامه حليبي مائي سائل شوي ممكن استخدمه انا للجبهة لانو جافة شوي من قوامه حسيت ينفع لترطيب اغلب البشرات واضيفي على انه مرطب خفيف كمان يساعد مكياجك على الثبات ,, ومعروف اذا رطبتي وجهك قبل الميكب الفاونديشن يطلع احلى وله رونق اجمل

#base_nourrissante_nourishing_primer

وهذا الرابع والاخير من المجموعة هاذي وفرقه عن اللي قبله انو هذاك وصفوه انو مرطب وهذا وصفوه انو مغذي مرطب تركيبته كريمية و اثقل من اللي قبلة ويناسب البشرة الجافة و يمكن شديدة الجفاف ولكن العادية ما حيناسبها لاني حسيته ثقيل






الزبده :

البرايمرات جودتها اكيد ممتازة واتوقع انها بتفي بالوعود اللي يقولوها مبدئيا حبيتها وافكر اخذ شيء من المجموعة الثانية اللي هيا الكوركترز .. حلو انها كلها تساعدك باطالة وقت ثبات المكياج وتحل لك مشكلة وبنفس الوقت تثبته يعني كانو مثبت مكياج وبرايمر

الكمية اللي بتحصليها : 30ml

السعر : 165 ريال

مكان توفرها : بوتيكاتهم بالسلام مول بجدة و اظن فيه بالتحلية - سيفورا - فافافوم - وجوه


وبس هاذي تدوينتي اليوم ان شاء الله استمتعتوا فيها ولاتنسوا تصلوا على النبي والسلام عليكم ورحمة الله وبركاتة