التنظيم المنزلي ..

السلام عليكم ورحمة الله وبركاتة :

احلى تحية مني لكم..

 صراحة مو عارفة كيف ابداالموضوع ولا لي بالترتيب وتنميق الكلام وما احب الكلام الكثير >> هين ههههههههه

حابة اتكلم عن الترتيب والتنظيم اكيد الكل عارف انو كل ما كان المكان منظم ومرتب بيساعدك انك ترتاحي بالمكان اللي انتي فية ويساعدك كمان في التنظيف اكيد

ولانو النظافة من الايمان ’ احنا ملزمين ننظم بيوتنا

 مثلا لو كنتي ام وطالبة حيكون عندك حاجات كثيرة تسويها بنفس اليوم  مثلا تنظيف غرفة اولادك  تخيلي تدخلي تلاقيهافوق تحت العابهم فرشاتهم أي شي ثاني بالغرفة المهم الغرفة دمار اش تسوي بالحالة هادي ؟؟

حيكون فية سلتين وحدة للالعاب الكبيرة ووحدة للقطع الصغيرة وفية زبالة صغيرة ورا الباب لاوراقهم هما الاولاد بمجرد ما تقومي تلمي الالعاب حيفهموا ان هادي السلة للالعاب وهادي للالعاب الصغيرة وهديك زبالة وبيساعدوك وما بتاخذي وقت وانتي تنظفي الغرفة .. لانو كل شي لو مكان محدد هذا هو التنظيم ببساطة

مثلا  كمان زي غرفتك ::

اذا كان دولاب ملابسك مرتب مثلا هذا الدرج بيكون فيه البناطيل الجينزو الليقنز وكل انواع البناطيل اللي موجودة عندك

و التعليق فيه بلايزك اللي تلبسيها بالخرجات والمناسبات والدرج هذاك فيلو كل ملابس الرياضة وكلهاا مرتبة بالالوان بتساعدك كثير بالتنسيق وكمان تسريحتك تكون مرتبة  مكياجك لو درج خاص فية قسم لليومي مع الكريمات اللي تستخدميها وقسم اللي بيكون للسهرات وكذا

حيكون كل شي سهل قدامك

انا حبدأ بالافكار الحلوة و السهلة لغرفة النوم واذا عجبكم الموضوع حتكون سلسلة ان شاء الله

عن التنظيم وبحاول انها تكون ان شاء الله  اشياء بسيطة ورخيصة ومتوفرة عندكم  وكمان بوريكم اشياء حلوة وممكن يكون سعرها مرتفع بس عشان تاخذوا فكرة كمان  

ممكن اكون  جربت بعضها وبعضهابجربها معكم J

انا مو مثالية لكن احاول اسهل الحياة علي وعليكم  ان شاء الله

الفكرة التنظيمية الاولى : درج الملابس الداخلية والشراريب تشتري مقسمالادراج زي اللي بالصورة واذا ما عرفتي فين تلاقينة ممكن تسوية بنفسك وسهل مو صعب ومن اشياء بسيطة متوفرة

طيب حابة تعملية بنفسك شوفي الصورة ::

خدي مقاسات درجك طول الدرج وعرضة وكم تقسيمة تبغي استعملي الفلين او الكرتون العادي قصيها من طرف واحد وابدئي ركبيها جوات بعض << احس شرحي لك علية بس ان شاء الله فهمتوا علي 

 هنا برضوا مقطع فيديو بليز سووا ميوت 

 * مقطع فيديو لعمل منظم الادراج  http://youtu.be/AjsuZV58yXI

 ^ اذا ما اشتغل معاك المقطع انسخي اللنك ولصقية فوق :) 

او اذا ماحبيتي تتعبي كثير ممكن تستخدمي علب الجزم وانتي بكرامةوتختاري احجام مناسبة لدرجك وتبدي ترتبي فيهاا ولا اسهل من كذا   واذا حبيتي كمنظر جمالي انك تغلفيها بشي يناسب غرفتك

الفكرة التنظيمية  الثانية : الاكسسوارات

ممكن تكون بالدرج وتكون منظمة بمنظم ادراج زي اللي  فوق تقريبا 

او زي كذا كمان انا اخذت مثل هادي وجدا مريحة  

 
واخذت للحلقان الصغيرة العلبة اللي ترتب لك الادوية مرا ساعدتني بتنظيم الحلقان الصغيرة دورت صورتها بالنت وما حصلتها حاولت انزلها ما رضيت تنزل بالبلوق >> حظ 3/> 

وهادي حركة بسيطة مو عارفة اسم الشيء بش زي الفلين على خشب مو عارفة اسمه  وممكن تجيبي دبابيس وتعلقي السلاسل الطويلة فيها

وممكن تعملي ايطار لاكسسواراتك بنفسك تابعي الطريقة :

تحتاجي هذا الفلين >> اللي تعرف اسمووا تقولي 

واي خلفية قماش انتي حابتها وتغلفينها فيه

وتنتبهي للزوايا سويها كذا 

وكذا بيصير شكلهاا

وبعدين تجيبي هذا الشبك ..

وتسوي فيه كذا وتثبتينه من ورا 

صورة قريبة مرراا حلووو 

كمان هذا الاطار الجميل و السهل عبارة عن إطار وكم كلفة كورشية وتلصقينهاا ويصير عندك إطار جمممممممميل 
تابعوا الطريقة 

جوجو من جيس شيري عملت اطار للاكسسوارات ربي يحميهاا شوفوه قد ايش سهل  ((http://www.youtube.com/watch?v=W1dKTz-t9AM))

بليز اعملوا ميوت .. 




وهادي بعض الصور المنوعة 

وفي الدولايب حقت الاكسسوارات حلوة للي عندها اكسسوار كثير ..

الادراج هادي مررا جميلة تحفظها من الغبار وشفافة كانها زجاج 

هذا مرا يجنن مالقيت لو صورة وهو مقفل بس اتوقع مراية من برا .. رايكم من راي ؟؟

يب يب لوحة ودولاب اكسسوار

الفكرة الثالثة : تنظيم الدولاب

ما عندي افكار كثيرة لكن زي ما قلت من قبل حاولي ان دولابك يكون مقسم قدما تقدري وبتستغربي قد ايش مساحة صغيرة تقدر تشيل اشياءك كلها وفكرة انو الدولابيكون عبارة عن يمين تعليق كامل ويسار تعليق كامل وبالوسط ارفرف بتضيع عليك مساحةجدا كبيرة مثلا هادي الصورة شوفو كيف كل شي مرتب ومنظم وشايلة اغراض كثيرةومساحتها جدا صغيرة بالنسبة للدواليب اللي عندنا ببيوتنا تقريبا

بتقوليلي الفساتين او الثياب الرجالية طويلة وكذا بقولك دولاب واحديكفي وحاولي تعلقي كمان على جنب هذا الشيء مو عارفة اسمه ههههههههه  بيكون حلو تلاقيه بايكيا 

 واستغليتي المساحة ارفعي سكة التعليقمرا فوق عشان يبقى مساحة تحت مثلا لشوزاتك اللي ما تلبسيها كثير وما تبيها تغبر اوتخرب

كذا انتي استغليتي المساحة كمان

الفكرة التنظيمية  الرابعة في المكياج والكريمات واشياء الشعر

المكياج

العلب اساس التنظيم بالمكياج 

فكرة ترتيب الفرش بسيطة وسهله عبارة عن تحفة وجواتها بلورات صغيرة شفت اذا ما كنت غلظانة زيها بايكيا او هوم سنتر

حبيت فكرة القهوة .. مرا احب ريحتها

مرررا عاجبني هذا الاكليريك

ممكن كمان تستخدمي السلات للترتيب

كمان ممكن تستخدمي منظم الادراج

هادي كمان تلاقوا منها بايكيا

هذا المنظم شفت شبهه بسنتر بوينت

حلو للي عندها باليتات اظلال كثيرة

الشعر

هنا حطو الاستشوار بمنظم الملفات موجود بكل مكان وكربون من اللي بايكيا

هاذي اظنها علاقة خاصة بالاستشوار بس تذكرت حامل الكاسات اللي جنب المغسلة يكون

وهنا مرتبين الفير بمواصير يب يب بمواصير مقصوصة ومثبتينها ما ادري بايش اللي عندها فكرة تقول لي

الكريمات كمان بسلات واذا عندكم افكار احلى شاركوني

لازم تحطي سلة للملابس اللي بتغسليهاا وسلة للنظيف في حال انشغلتي ومافضيتي تطبقي وفي كل مكان بالبيت سلة صغيرة للزبالة

 كمان خلي علاقة على جنب تكون لشنطتك اليومية عشان اذا بغيتي شي على طول تخرجيه منها بسهولة 

وصلنا النهاية  ان شاء الله عجبكم وقولوا اذا تبو اسوي منو سلسلة و عن أي مكان بالبيت حابين اتكلم ؟؟

ادعموا البلوق واشتركوا فيها وعلقوا هنا وشاركوني  وتابعوني بتويتر عشان نتواصل ان شاء الله

وبس خلص البوست شكرا لكم

فمــــــان الله :* 

ملاحظة : الصور كلها من تجميعي كنت أبغى أصور لكم شيء من ترتيباتي بس ما عندي كام ولما أخذ أكيد بشارككم صوري

حسابي بتويتر @ab00la