مشترياتي 2014

السلام عليكم ورحمة الله وبركاتة ..

كيفكم بنات ان شاء الله انكم طيبين وبصحة وعافية .. وبعد انقطااااع طويل ما سويته زيه من قبل ههههههه صدمت نفسي كيف صبرت عن المدونة كذا .. ترا عادي اقطع عن كل شيء انستا او تويتر بس المدونة لا ..

المهم انكم وحشتوووني ووحشني بيتي الثاني ( مدونتي ) اليوم بوريكم مشترياتي الفترة الاخيرة من يمكن 5 شهور او اكثر
بعضها جربتها كويس وبعطيكم ريفيوات صغيرة
واللي متحمسين له مرا وتبغوني اكتب عنو تدوينة لوحدة اكتبوا لي هنا فالمدونة فالتعليقات عشان ما تروح بحساباتي وما انتبه لها .. واللي ما اكتب سعره يعني نسيييته ههههههههه
ويلا نبدا بسم الله

ببدأ بالفاونديشن ..اللي متابعتني كويس تعرف اني احب فور ايفر اتش دي وعلقت عليه و قريب فكرت اغيره لاني مليت وابغى اغير
اول ما فكرت اغير جا ببالي لوريال ترو ماتش و اخذته و تجربتي معاه رائعة تغطيته فل كفرج درجاته كثيرررررة
بس للاسف مو اللي موجود عندنا انا جربت الامريكي وشفت نفس درجتي اللي من امريكا واللي منها هنا w7 مختلفةجدا  اللي هنا جاية على وردي !

فاكيد حتى تركيبة الفاونديسن نفسها مختلفة

اخذت ثلاث درجات w6 - w7 - w8
درجتي بماك nc35 واكثر وحدة ناسبتني w7  جاية على برونز اكثر فا اخلط معاها w6  بس انا كذا مستحيل ما اخلط بالفاونديشن نادرا ماالاقي درجة وحدة واحبها لوحدها
اما w8 اتوقع يناسب nc 42  وتحت
اخذته من عند عبير abeer.store على الانستقرام سعرو 70
واذا تبغوا تدوينة عنه لوحدة اكتبوا لي هنا بالتعليقات 3>

وبعدها قررت اخذ استي لودر للسهرات و ما ندمت وبطططل .. ولانو باقي حاجات كثيرة اوريكم اياها ما اقدر اكتب لكم تجربتي معاه كاملة درجتي فيه ( 4n2 )  وجاية كمان على برونز اكثر امي ما عجبتها هههههههه سعره 230 اتوقع

و أخذت كمان فاونديشن نارس شير قلو طفاسة صراحة خخخخ .. بس الكونسيلر منجد كنت ابغاه ونفسي فيه و  الاسعار بصراحة ناسيتها
ومو قادرة اتذكرها

درجتي بالفاونديشن ميديم 4 ( barcelona ) و الكونسيلر ميديم 2( ginger ) وساعدتني بالاختيار وفاء يسعد قلبها
وناوية اكتب عنها لوحدها خصوصا الكونسيلر منجد عجبني كمان طلبته مو موجود عندنا بس موجود بدبي اللي حابة تاخذه ورايحة هناك

اخذت كمان بيبي كريم  ايتيود هاوس وما ناسبتني درجته اظن ومو متاكدة  ( w24 )  للاسف فاتح عليا جدا جدا وبلاقي له دوبااااره ان شاء الله

و أخذت كمان بيبي كريم ميشا درجتي ( honey beige ).. شفته عند مروه الانستابلوقر وشفتها قاصته عشان تطلع كل شيء جوته وعرفت انو عجبها مرا فقررت اجربه ويججججججنن بس افتح مني تكة بسيطة ناوية اخذ اغمق منجد بنات احلى بيبي كريم جربته واشتريته ما توقعت يعجبني كذا والله هههههههههههه لان زي ماتعرفو مو صحبة مع البيبي كريم

وأخذت شيء من زمان كنت متحمسة له والسبب اليوتيوبر جاكلين هيل هو الاضاءة السائلة من بيكا كوزمتكس بالدرجة اوبل
لو يرجع بيا الزمن حاخذ البودرة ما حاخذ السائلة هيا حلووة جدا بس لوحدها بدون مكياج مأخذت بالاعتبار انو جاكلين هيل بشرتها جافة فطبيعي الاشياء الكريمية افضل لها بس انا مختلطة فأفضل لي البودرة .. هل هذا يعني اني ما باخذ البودرة الا ان شاء الله حاخذها هههههههه بس مو ذحين بعدين لأني  واعدة  نفسي اني ما شتري اي مكياج الا بعد سنة او 6 شهور على الاقل واشوف اش يطلع معايا ههههههه


السعر ما تذكر بس يمكن 100
 الاشياء اللي اخذها اون لاين انسى اسعارها للاسف

كمان اخذت من توفيسد غرا للقليتر وبرايمر للشدو من سيفورا سعره 90 ريال

و أكيد اخذت الحب البيوتي بليندر مايكرو ميني موجودة اللحين بسيفورا سعرها اتوقع 70 او 80 للحبتين و ماندمت اني اشتريتها لأنها توصل لاضيق الاماكن وتدمج لي الكونسيلر كوووويس بنفس جودة العادية الوردية لازم تاخذيها لا ممكن تكفيك البيوتي بلندر العادية بس بجد انا فرق معاي الكونسيلر خصوصا عند مدمع العين .. زمان كنت اتعب لما اجي ادمج عند مدمع العين لاني اسوي الظل اول فالكبيرة ما تدمج بدقة ممكن تدخل على الظل وتحوسه لكن هاذي حجمها ممتاز

هيا حبتين بالعلبة بس الثانية وسخة فما صورتها لاحظت انها ما تنظظظظف صعبة نظفتها بكل الطرق ما رجع لونها فسفوري كذا احسها قلبت على اصفر بس ما احسها وسخة لا كانها انصبغت بس  .. عكس الوردية تنظف وتنور كمان هههههههههه

اخذت حجم صغير مثبت مكياج من اسكندنيفيا بجربه واشوف يستاهل المدح ولا وللحين ما حسيت بنتيجة واو طلبته من امازون .. هو نفس مثبت اربن دي كي للي حابة تاخذ شيء متوفر عندنا ناسية سعره

اخذت منظف سيفورا للفرش اتوقع سعره 45 اذا مو غلطانة خدممممني خصوصا بالفرش اللي يكون فيها لون غامق ينظف بسرعة بس ياخذ 5 الى 10 دقايق عشان تنشف الفرشة .. ريحتة تجنن تعرفون عطر نفس الريحة ؟ ههههههههه

و اخذت عقاصة رموش او كسارة زي ما تحبون من عند عبورة كمان عجبتني واشتريتها وانا اقول عادي زيها زي حقت ذا بودي شوب مافي اختلاف بس لما جربتها حبيتها والله ومنجد ترفع الرموش لفوق سعرها 35

اخذت فرشة من ميك اب فور ايفر بطرفين فرشة مشطوفة وفرشة مسكرا  رقمها 274

حبيتهااا مو ناعمة مرا قاسية عجبتني احس تعطيني تحكم افضل بالرسم

وأخذت كمان القلم من انستازيا الدرجة ( ) والى الان عادي انا اشوف انو ما يستاهل ينطلب من برا اتوقع الاقي بديل له بس هذا ما يعني انو مو حلو  بطرفين وهذا اللي حمسني له اكثر شيء ههههههههه

و اكيد لازم اخذ جل الحواجب من عندهم

والى الان حبييته تقريبا له شهر عندي استخدم معاه فرشة ميك اب فور ايفر واسهل بالاستخدام من تاتو الحواجب من ميكب فور اللي كنت مدمنة عليه

وكملت مجموعتي من اضاءات ذا بام واخذت بيتي لو وحبيتها ح ب ي ت ه ا جدا جدا
اضاءة برونزية بطلة وبقمنت عالي تجنن

واحلى شيء اخذته هالفترة بودرة ريميل ستاي مات سعرها اقل من 30 ريال وتستاهل  يقولوا تتكسر بسهولة واتوقع كذا بس أنا محافظة عليها بزيادة ههههههههه احط جوتها اسفنجة بودرة و اقفلها واربطها بمطاطات شعر بنتي .. لو يغيروا التعليب بس تصير ابطل بودرة استخدمها لتحت عيوني ولوجهي وزي الفلة معايا

اخذت كمان كونتور  بهاما ماما من ذا بام ناسية السعر كنت ناوية اصورها لكم من جوا بس ههههههههه شافتها جوري وقالت لي يا ماما لابسة عيب (( قصدها لابسة من غير هدوم خخخخ )) قلت لها طيب اش نسوي لها يا ماما قالت لبسيها قلت لها كيف جابت منديل وسترتها فيه ههههههههه قلت والله ما اردك واصورها مقفلة وجبنا لصق وصممنا لها فستان مستوحى من تصاميم ايلي صعب هههههههه

نرجع لموضوعنا .. الكونتور جميل جدا وحبيته وأحس اني ما حاخذ بودرة كونتور غيرها يعني ما حشتري شيء جديد بكتفي فيها ان شاء الله >> هين كلام الليل يمحوه النهار هههههههههه

باليت البلاشرز من ايلف بالمختصر عشقته سعره 55 وفيه اربعة الوان واول مرا فحياتي يزبط معاي سواتش ومبينه الالوان جمممميلة زي الحقيقة و هو من مفضلاتي للسنة اللي فاتت كلها

ثلاثة الوان مطفية مات و واحد بشيمر بس ما يبين ولما احطو تختفي و ثابته استخدمتو بزواج ورحت ورجعت وهو زي ماهو انصدمت منه صراحة كان تحته فاونديشن تحته فما اعرف عن ثباته لوحدة و ألوانه مناسبة بشرتي

اول لون من فوق وباين افتح لون بالعلبة احلى لون و طبيعي مرا .. اللي تبغى بلشرات سعرها حلو انصحها تأخذها 

وثاني لون هو اللي بشيمر شوفوا كيف ما فيه شيمر كثير مع انو بالعلبة حفلة ههههههههههه

المسكرا هاذي جت مع باليت توفيسد نسيت اسمه ليمتد اديشن لما تخلص حاخذ باذن الله منها عجبتتتتني و من مفضلاتي ل 2014 

وهاذي المجموعة اللي جت معاها المسكارا 

باليت جهة شدوات وجهة بلشرين وهايلايت و برونزر - و ثلاثة فرشة كيوت و شنطة 

جهة ملمع وجهة جلد ومكتوب عليها توفيسد صغيرة 

و أخيرا اخذت الزي باليت وليتني ما اخذته صحيح هو حلو وو سهل و فيه مغناطيس بس معليش ما يستاهل سعره اتوقع مية او حولها 

وما ينظف بسرعة و زي منتو شايفين متخدش الزبدة ما حاخذة مرا ثانية ابدا في باليت عند ميك اب فور ايفر معدن احسن منه 

و أخت فرش زيل تكنيك ليمتد اديشن كمان اسمها نكس بيكس اذا مو غلطانة الثانية من اليمين والثالثة اكثر شيء استخدمته جودتها زي جودة الفرش الاساسية و اعترف اني أخذتها عشان هاذي الفرشة ولا تسألوني ليش خخخخ

و خلونا نقفل الموضوع وننسى اني اشتريت مجموعة عشان فرشة كان بإمكاني اخذ زيها من سيقما و كمان ما فيها شيء مميز 

و لا عاد نفتح هالموضوع مرا ثانية هههههههه 

اخذت كمان ارواج مكياجي احبها واستخدمها يوميا الدرجات بالترتيب من اليمين  04  - 14 -  18 كريمية ثباتها ساعة بس ترطب  كان عليها عرض 3 ب 99 و أنا اخذت من قبل وكنت استخدمها يوميا بالجامعة 

سعر الواحد بدون عرض 60 ريال 

و أخيرا و ليس اخرا  اخذت شدوات من ميك اب قيك من عند عبورة abeer.store اللي فوق بيتش كريم والثاني شيماشيما  حلوووين واي لوك اسويه ما يخلى من واحد منهم سعر الحبة 35 

اخر شيء عدسات فريش لوك اليومية البسها بالمناسبات بس ومرررريحة جدا جدا 5 ازواج ب 65  وتحتها صحن او باليت اللي تبغوا تسمونه سموه هههههه المهم اخلط فيه الفاونديشن لاني نادرا ما استخدم فاونديشن لوحدة غالبا اخلط 

وهاذي الشنطة رسلوها ليا بنفت جوتها كونسيلر و منتج جديد نازل عندهم
الي هوا هذا بف اوف يشيل الانتفاخات لسا ما جربته صراحة

وهذا شكل الراس حقه فكرته كانة كاوية يكوي الانتفاخات اللي تحت العين .. لسا مانزل بالاسواق حينزل اظن نص فبراير اذا مو غلطانة حصريا بوجوه وبعدين ينزلونه بسيفورا 

و الكونسيلر المرطب اسمه فيك اب  .. حكتب رأي لما اجربة بس انا عارفة انو ما يناسب اللي عندها هالات او عيونها دهنية 

بس بختبر التخطيط والثبات 

وبس كذا خلصنا التدوينة هاذي التدوينة الجاية حتكون عن اشياء رسلوها لي ميك اب فور ايفر كنت ناوية احطها هنا بس تععععبت 

و اللي بعدها تحبوا تكون مشترياتي للسكن كير ؟ 

و اذا حابين اقترحوا عليا الريفيو الجاي عن واحد من الفاونديشنات اللي فوق وبس 

لا تنسوا تصلوا على النبي 

والسلام عليكم ورحمة الله وبركاتة