ايفنت ذا بودي شوب #جمال_العطاء

السلام عليكم ورحمة الله وبركاتة .. كيفكم بنات كل سنة وانتوا طيبين متاخرة شوي بس ما حسيت بالايام تجري جري يالطيف يارب باركلنا برمضان وايامه ..
اليوم حتكلم معاكم عن ايفنت بودي شوب حضرناه يوم 26 شعبان وكان بمناسبة دخول رمضان و نشر مفهوم العطاء بيننا ويعطونا مجال نهدي بعض باسعار معقولة .. مجموعات جميلة وحلوة واغلبها عجبتني .. الايفنت كان من الساعة 6 الى الساعة 10 .. كان بعزيز مول انا والبلوقر حضرنا من 5 عشان نصور قبل الزحمة .. ولقطت كم صورة من العروض .. خرجت من الايفنت 7 تمنيت اني قابلتكم او اللي حضروا جوا وعرفوا بانفسهم .. الايفنت مقسوم قسمين العصرية كان بالفرع جنب بوابة 5 و بعد المغرب درس سموكي ايس مع ميمي تيبس بالفرع الثاني ..
العروض لساا موجودة روحوا الفروع وشوفوها .. نجي لصور الايفنت

و الاشياء اللي عطونا هيا ..

• لوشن للجسم بالمانجو ريحته جمممميلة ..  وصفهم له : ( لوشن خفيف جدا للجسم بالمانجو . مرطب للجسم خفيف وممتع . لا يستخدم على الوجة )
• مرطب لتبريد الوجة بفيتامين e .. مو موجود بالصورة بس صورته بالانستقرام وسالتكم عنه لما اجربه كويس اقولكم رأي 
• برايمر  للوجة 
• وشادو اصفر مانجاوي البلوقر امولا ترتر ثنق مغرمة فيه و اشد على يدها لانو جميل الدرجة سن شاين لوف 190

• البوكس الاسود اللي على اليمين مرا عجبني و بستفيد منه ان شاء  .. لازم تشوفوه احسه مرا جميل كهدية سعرو 349 و الاشاء الموجودة فية :

• مسكرا 
• ايلاينر 
• ثلاثة شدوات تنفع لسموكي اسود رمادي ارقامها .. 015  اسود - 010 رمادي -001 اضاءة ابيض على فضي 
• اي فرشة للشادو اللي هي الشيدر برش اتوقع 
• قلم كحل اسود 
• و بودرة الحواجب المشهورة حقتهم انا عندي افتح درجة اتوقع و اللي اعطونا هيا رقم 3 اتوقع اغمق وحدة 

و الاشياء اللي اشتريتها .. اغلبها مكياج 

• ثلاث شدوات حبيت الوانها من قلبي .. الدرجات :  225 رمادي بني -201 ما قدرت اوصف اللون بس اتوقع انو قولدن روز - 510 فيروزي أو تركواز مو قادرة احدد  واسم اللون سمثنق بلو هههههههه 
• اخذت البرونز المات  بالدرجة 04 
• 
  
• بودرة للوجة all - in - one face base  الدرجة 052  
• و شيمر وايفس يستخدم للعيون والوجة بالدرجة كورال فيه منو لونين كان وردي ودرجاته  و بني ودرجاته 
• اخذت كمان بخاخات الجسم عندهم عرض اثنين بمية الروايح اللي اخذتها : لايف از اشهر من نار على علم .. والثاني الجديد اسمه انجلش داون وايت قاردينيا حبييييييت ريحته مرا اخذته لاولادي 
• اخذت كمان ادماني وقد تكلمت عنه كريم للايدين باللوز سعره 52 الكبير 
• و القفاز الليفة كمان دايما موجود عندي 

تمنيت افصل لكم بالاسعار وصورة صورة للمنتج بس منجد مع رمضان مافي وقت بالقوة حصلت وقت مع زحمة البيت والاختبارات والبحوث زي منتو عارفين عشان انزل لكم هالتدوينة وتلحقوا العروض .. حيكون في تدوينة ثانية اتكلم عن المنتجات بالتفصيل مع الصور بس اتوقع انو بعد العيد .. دعواتكم لي ربي يوفقني واخلص على خير

+ يمكن اغيب شوي عن الانستقرام وتويتر والمدونة هالفترة  .. بتوحشوني 

وبس كذا لا تنسوا تصلوا على النبي و السلام عليكم ورحمة الله وبركاتة