منتجات من بنفت ..

السلام عليكم ورحمة الله وبركاتة ..
كيفكم بنات .. تدوينة اليوم حتكون تكملة للتدوينة (( تغطية ايفنت بنفت )) هنا الرابط اذا حبيتي تشوفيها ..
http://ab00la.blogspot.com/2014/06/blog-post.html

و حتكلم اليوم عن رأي المبدئي بمنتجاتهم يعني جربتها مرا مرتين و اكيد بسوي ريفيو مطول عنها بعدين اذا كانت من مفضلاتي او كانت من المنتجات الفاشلة .. ايوا كمان لا تنسوا تشتركوا بالقيف اواي منجدددد حابة انو كلكم تشتركوا هنا رابط القيف اواي
http://ab00la.blogspot.com/2014/06/10k.html

يلا نبدأ ..

المنتجات الثلاثة الاولى هي ..

مسكرا ذا ريل المفضلة عند البلوقر وفاء و منجد حبيتها وعجبتني استخدمتها الصباح بس عكفت رموشي قبلها وحافظت رموشي على البرمة اللين مسحتها .. ووتر بروف .. صعبة شوي بالتنظيف يبغالها شيء ثقيل بالتنظيف جربتها بمزيل غارنير وبقي شوي منها ما طلع جربتها بمزيل شانيل الازرق مخليته للمسكرات الصعبة و ازالها سعرها اتوقع 150 ريال

و الشيء الثاني اللي جينا عشانة وعشان اطلاقة انا اظن انو ما نزل للحين حينزل بواحد يونيو هو الجل لاينر اللي على شكل قلم ثباتو جميل يسهل عليك رسمة الكات لاينر اذا متعودة للجل لاينر بيعجبك بالبداية حسيته صعب لاني ارسم بالايلاينر السائل ويرسم بسرعة هذا تركيبته جل صراحة اذا مبتدئة جربية اعطيه فرصة ويمكن تحبية و الاحلى انو منجد ثابت سعره 150

كمان اعطونا اللب بام الجديدة اتوقع منزلين منها 4 او 5 وهي تبع التنت حقتهم حبيتها منجد ليش لاني اغلب ارواجي مات .. ومع الصيف حلو تكون الشفايف مترطبة وفيها لمعه مو قليتر لا اقصد تكون قلوسي ورطبة فا استخدمها كانها قلوس تهبل ما تخلي شفايفك تتلصق و احساس القلوسات الغبي هذا .. المهم انا اقول مو شرط تكون كلها عندك ! لونين تكفي البني بام و البوسي بام او اللولي بام الارواج الغامقة ما بتفرق اواحد تستخدميه عليها و الفاتحة يا حتكون على بنكيات او نود وتستخدمي لها البوسي بام و اللي جاية على اورانج و احمر استخدمي البني بام .. لونها خفيف جدا وما تبين اذا تحتها تحديد او روج مات .. الثبات جميل صراحة على شيء كريمي بالمختصر حبيتها واشكالها كيوووووت