التخلص من الشعر تحت الجلد و روتيني فالشاور

السلام عليكم ورحمة الله وبركاتة .. كيفكم بنات ان شاء الله طيبين

الشعر تحت الجلد من اكثر الاشياء المزعجة اللي ممكن تواجة البنت و السبب الاول والرئيسي الجفاف + ممكن يكون وراثي

شوفو الفيديو اللي هنا وتعالوو كملو المعلومات اللي هنا :

بخمس خطوات سهله تقدرين تعالجينها وتقدرين تشوفينها فالفيديو للاختصار اللحين بذكر لكم الاسعار وطريقة الاستخدام و فوائد الاشياء اللتي لم يسعفني الوقت اتكلم عنها اكثر اهم نقطة ازالة الشعر اعرفي الطريقة اللي ما تحسس بشرتك و افضل حل للشعر تحت الجلد هو الليزرررر

اول شيء ابغى اتكلم عنه :

1- الغسول : مهم يكون ماله رغوة كثيرة من افضل الغسولات الطبية سيتافيل و تستخدمينه بالليفة الناعمة اللي اشرت لها فالفيديو

او ممكن تستخدمون بودرة السدر طريقة سهله جدا حطيها فيدك واخلطي معها مويا وافركي ايدينك بيصير لونه مايل على البياض واستخدميه كانه صابون

مع الوقت السدر بيفتح البشرة و ممكن بعض الناس يسبب لهم جفاف بس ابدا مو قوي نسبة بسيطة لا تذكر

2- المقشر مرا مهم كمان انا استخدم البرازيلين سكرب من ذا بودي شوب سعره 119 مع الليفة من ذا بودي شوب كمان

اما الخلطة اللي ممكن تسوينه هي ( قهوة تركية - زيت زيتون او زيت افكادو بكميات متساوية ) و ممكن ( ملح بحري ناعم مع زيت افكادو برضو بكميات متساوية . مرتين الى 3 مرات فالاسبوع

3- العلاج وهو كريم كالميوريد تلاقونه بالصيدليات سعره 60 الى 70 ريال و فيه نقطططة بنبهكم عليها حلو لو كان كريمكم المرطب كمان في نسبة يوريا لان هالمادة جدا بتنفع بشرتكم .. ما اعرف اذا تناسب الحوامل واللي عندهم اكزيميا تاكدو من دكاترتكم

4- الترطيب بعد الشاور اهم من النقاط الثلاثة .. بدون الترطيب ولا شي بيتحسن حتى لو اخذتي ادوية العالم كلها و شرحت فالفيديو كيف ارطب جسمي وفنفس الوقت اعطره