مكرونة بالاجبان (( مكرونة بالصلصة الوردية ))

السلام عليكم ورحمة الله وبركاتة .. كيفك ان شاء الله كويسين
اليوم جايبة لكم وصفة مكرونة تطير العقل ومرا يمممممي كثير كنت اشوفهم يسووها ومدري ليش احسها صعبة عندهم اساليب غريبة مع الجبنة اللي يقول تنطبخ لحالها و اللي يقول الصلصة لوحدها وتسوي صوص ابيض لحاله على جنب وبعدين تخلطينها
المهم هررررجة طويلة .. طبعا انا ادور الشيء السريع السهل اللي ما يضيع وقتي عشان وقتي من ذهب << ايوا مرا ههههههههه
ونزلتها بالانستقرام وعجبتكم وكثير طبقوها و ان شاء الله بشارككم التطبيقات وانتوا اذا سويتوها تاق لياا عشان اشوفها ..
نزلتها هنا توثيق واسهل للوصول من انكم تدوروا صورة صورة بالانستقرام ..



المقادير :

• مكرونة 
• ماجي او تسبدليها باي بهارات تحبيها 
• ملعقة زيت طبخ 
• ربع علبة ((الكرتون )) صلصة طماطم 

و تحطيها على النار مع موية بس لا تكثري عشان لما تستوي تكون قلت الموية .. واذا استوت والموية باقي صفيها
وحطي الخلطة اللي تحت 5 دقايق وطفي النار

مقادير خلطة الاجبان : في الخلاط

• جبنة  كيري 3 حبات 
• جبنة مراعي شيدر العلبة الصغيرة 
• ملعقة كبيرة جبنة المراعي السايلة ويفضل تكون الذهبية  
• وثلاثة ارباع الصلصة الباقية 
• حبة ماجي 
• فلفل اسود - كمون - كاري - كزبرة مطحونة 

وتخلطينها اللين تتجانس كويس وما يظل كلاكيع .. و تكون المكرونة استوت 

وبس هادي طريقتها طعممممه وسهله بس لا تكثري منها ههههههههه .. اتمنى انها عجبتكم و اتمنى توروني التطبيق و رأيكم اذا جربتوها
و لاتنسوا تصلوا على النبي عليه الصلاة والسلام

والسلام عليكم ورحمة الله وبركاتة ..