مناكيري الحلوة ..

السلام عليكم ورحمة الله وبركاتة

كيفكم بنات أن شاء الله كويسين
اليوم فتحت درج التسريحة وشفت حالة المناكير المزرية
مرمية رمي ومدري أصلا متى اخر مرا حطيت يمكن من ٣ أسابيع أو اكثر
اليوم مناكيري من ايسنس وتكلمت عنه الجميلة موني وقلت لها كان عندي حق الفرنش اللي هو الوردي الفاتح
فلما فتحت الدرج تفاجأت باثنين قديمين مرا بس ما شاء الله ما نشفوا و لا حاجه اسمها ممسوح ما قدرت اقرأه بس أرقامها أظن ٠١ المشمشي و العودي أو العنابي ٢٨ سعرها ما أتوقع يتعدى ١٠ أو ١٥ ريال ❤❤

والثانية من برجوا جميلة ألوانها بس طبعا ايسنس افضل بنظري لسعرها
الأول لحمي جميل وناعم اسمه بيج قلامر ليش اسمه بيج ما اعرف ورقمه ٢٧
و الثاني لونه عودي إذا ما خانتني عيوني هههههههه
اسمه روج ديف ورقمه ٢٢

أما الثالثة الجميلة مجموعة الفرنش تيبس من مكياجي روعه وسهلت علي الفرنش مرا
تكلمت عنها ببوست قبل تقدري ترجعين له بس انا بتكلم عن تجربتي معاها حبيتهاا ومن اول ما شفتها توقعت اني أدمنها كمان ححط لكم الرابط ترجعوا تشوفوا كلامي عنها

مكياجي .. الفرنش مناكير

بالنسبة للثبات للمناكير كلها اذا طولت مرا المده تكون  4  ساعات  ما أطول وانا حاطه المناكير


وهذا مقطع لطريقة المناكير الفرنسية
كيف تحطي المناكير الفرنسية بنفسك


وبس هاذي تدوينة اليوم البسيطة ..
لا تنسوا تصلوا على النبي
والسلام عليكم ورحمة الله وبركاته ❤