ماركة مكياجي ..

السلام عليكم ورحمة الله وبركاتة

كيف حالكم حبيباتي ان شاء الله كويسين

اليوم البوست عرض فقطط .. لكم منتج رسلوه ليا مكياجي الصراحة انا بدايتي الصغيرة كانت معاهم كنت استمتع لما ادخل محلاتهم كانت تجذبني الالوان والتغليف والمجموعات اللي ينزلونها طبعا راي مو راي وحدة محترفة وتعرف الكفت بالمكياج بس كانت مناسبتني اسعارهم فما زلت محتفظة بالحب القديم لهم ههههههههههه

الاشياء اللي جربتها منهم وللان استخدمها ومن مفضلاتي كمان الشدو الاسود من مجموعة بلاك اي سواده حلو وكمان بودرة صبايا وارواجهم والبلشرات كمان الوانها جميلة

طبعا حاولت اعرف تاريخ شركتهم وكذا ونقلت لكم بالنص من موقعهم :

‫>>ﺗﻌﺪ ﻣﻜﻴﺎﺟﻲ ﻭﺍﺣﺪﺓ ﻣﻦ ﺍﻟﻌﻼﻣﺎﺕ ﺍﻟﺘﺠﺎﺭﻳﺔ ﺍﻟﺨﺎﺻﺔ ﺑﻤﺴﺘﺤﻀﺮﺍﺕ ﺍﻟﺘﺠﻤﻴﻞ ﺍﻷﺳﺮﻉ ﻧﻤﻮﺍً‬ ‫ﻓﻲ ﻣﻨﻄﻘﺔ ﺍﻟﺸﺮﻕ ﺍﻷﻭﺳﻂ. ﺻﻨﻔﺖ ﻣﻜﻴﺎﺟﻲ ﺑﺎﻟﻤﺮﺗﺒﺔ 92 ﺑﺈﺳﺘﻄﻼﻉ ﻣﺠﻠﺔ ﻓﻮﺭﺑﺲ‬ ﺍﻟﻌﺮﺑﻴﺔ ﻋﺎﻡ 2009 ﻛﻮﺍﺣﺪﺓ ﻣﻦ ﺍﻟﻤﺎﺭﻛﺎﺕ ﺍﻟﺮﺍﺋﺪﺓ ﻓﻲ ﺍﻟﺸﺮﻕ<<

وطبعا هي موجودة بالخليج بس على حد علمي

انا ماكتبت البوست هذا دعاية او شيء بس احس مو ماخذة حقها هالماركة انا اعتبرها من الدرق ستور

تضم اكثر من فرع او ماركة او فئة منها صبايا وانا حلوة و مينكس و 22k و girls-tools

جربت في بداياتي الاساس والبودرة من صبايا والاقلام من 22k ومرا انبسطت فيها

الباكجينغ للاغراض روعة وجميل .. ايوا انا طفلة والحاجات هاذي تعجبني علبة وردية وكذا ويكفيني اني اطالع بالوان المحل وابتهج ههههههههههههه

اجي اتكلم على الجودة على سعرها كويسة واحب اغراض منها واغراض ارميها بعد استخدام واحد عادي زيها زي اي ماركة

وممكن أوي اللي ناسبني ما يناسب غيري والعكس ف جربي قبل ما تاخذي اي شيء :)

ببدا اوريكم اش رسلو لي :

اول حاجة :

1) شمعة بالرمان

ريحتها خوووخ مو رمان اول ما شميتها تذكرت الخوخ جميلة ريحتها مرا عجبتني وللامانة ما كنت اعرف ان عندهم شموع

لسا جديدة ما جربتها

2) روج من مجموعة صبايا وقلم كحل فيروزي

القلم عندي منو لونة جميل ما اقدر احكم على ثباتة لاني نادرا ما احط منه والروج لونة خيالي ما اقدر اوصفة بس كانو مشمشي غامق << سلكوا لي عادي :)

3) الماسكرا اللي علبتها سماوي ما صورتها لوحدها ..

وهاذي فرشتها ما جربتها لساا

4) البودرة الشفافة

طبعا هاذي البودرة لتثبيت الاساس باين ان لونها ابيض بس ما حتطلع كذا للامانة انا ما جربتها لسا بس عندي من ميك اب فور ايفر ومرا عاجبتني يمكن هاذي تكون بديل ارخص بس مو عارفة سعرها اجرب واشوف

5) مجموعة عطر سن شاين

ريحتو فواكة تقريبا مع شاي جميلة ريحتة للصباح

فية شاور جل ولوشن معاه والعطر اللي بالنص طبعا العلبة حيكون لها نصيب باعادة التدوير :)

6) فواحة مع عطر زيتي ( الياسمين )

ارجع واقول العلبة جمممممميلة بستفيد منها بس بالنسبة للعطر الزيتي ابدا ما حبيت ريحتة انا اكره شيء اسمه فل وريحتة تجيب لي الغثيان فاذا انتي تحبية حتحبي العطر

7) مجموعة للعيون الحساسة

( اي لابنر - ماسكرا - قلم كحل ) ما جربتها ولسا جديدة انا الحمدلله نادرا ما اتحسس من اي كحل ف ما اقدر احكم عليها لكن بجربها واقولكم ..

8) شنطة مكياج

من الاشياء اللي اخذتها ببدياتي الشنطة بس اخذت الكبيرة مرا انبسطت عليها حلوة كهدية لمراهقة بتنبسط فيها صدقيني الوانها ممتعة حوريكم من جوا اش فيها

هنا اظلال الوانها جميلة ما ادري عن الثبات كيف .. وفيه اربعة ارواج اورنج احمر وفوشي ووردي اثنين منهم فيهم شيمر ما حبيته واثنين مات جميلة .. وكمان اربع حبات مناكير .. و بلاشر فيهم شيمر