Nars radiant creamy concealer \\ كونسيلر نارس ريدنت كريمي كونسيلر

السلام عليكم ورحمة الله وبركاتة .. كيفكم ان شاء الله كويسين بنات
اليوم بتكلم عن كونسيلر نارس امس تكلمت عن اربن ديكاي للي حابة تشوفها هذا الرابط

Naked skin urban decay concealer

من اكثر الكونسيلرات اللي جات عليها ضجة وتحمسسست لها لدرجة اني طلبته وما جربته حتى من حسن حظي وفاء من ذا ارتستك هاند قريبة من درجتي فأخذتو على حسها ههههههههه



وصفه  :

• مثالي لجميع انواع البشرة 
• يغطي الهالات السوداء 
• كريمي و ما يخطط 
• ثابت 
• خالي من الكحول والعطور 
• ينفع للوجه والهالات 

رأي فيه .. كونسيلر من التوب عندي واللي يدي تروح له دايم فالسهرات  درجته جاية على مشمشي مع ذلك احتاج كوركتر معاه واحتاج هايلايتر ولا ما يطلع بالشكل المطلوب 

قوامه كويس كريمي يقولوا ما يحتاج بودرة للتثبيت انا لازم احط لانو جفوني بعد ساعتين تصير دهنية ,, وبرضوا لازم ترطبي عينك قبلها ..

ثباته مرا كويس وحلو تقريبا من 6 الى 8 ساعات 

الالوان ما احس فيها تنوع مدري احس ما اقنعتني يعني مثلا احترت حسيت لو فيه درجة بين جينجر اللي عندي وكاسترد حتناسبني اكثر 

ماهو ثقيل مرا او كيكي فنفس الوقت مو خفيف مرا زي كريم مرطب خخخخ

العلبة فخممممة << بصوت هند صبري من عايزة اتجوز ههههههههههه

بس الغطا ما ينظف باهت بس يظل جممممميل 

العيوب : 

ككونسيلر كويس بس مشكلته الكبرى الدرجات والالوان .. 

كمان لاحظت انه مع الوقت الكونسيلر نفسه قوامه تغير كأنو نشف مو كريمي زي اول ما جبته .. ما صار سيء بس تغير 

الفرشة عادية زيها زي اي فرشة لسبب ما انا ما احب هاللفرش لانها تشيل من الكوركتر ويلصق بالفرشة ويتغير لون الكونسيلر الاساسي فاضطر اني احطه على باليت الخلط واشيل بالفرشة .. بس للي ما عندها هالات او اللي ما تحتاج كركتر بالعكس مرا الفرش اللي كذا اسهل لها 

كمان ما تشيل الفرشة كمية تكفيني احتاج احط مرتين الى ثلاث 

شوي يغمق بعد شويا مو زي ما اول ما حطيته 

ايوا يخطط بعد شويتين بس على خفيف 

متوفره ماركة نارس بسيفورا  دبي عندنا مو موجوده الا عند التاجرات

اكتبي لي رأيك لو جربتيه فالتعليقات ..  ولاتنسي تشتركي بالمدونة عشان تشوفي كل جديد 

وبس هذا اللي عندي عن هالكونسيلر اليوم لا تنسوا تصلوا على النبي والسلام عليكم ورحمة الله وبركاتة