فاونديشن ميك اب فورايفر اتش دي // makeup for ever hd foundation

السلام عليكم ورحمة الله وبركاتة ..
كيف حالكم اليوم بنات ان شاء الله مناح .. اليوم نتابع سلسلة الفاونديشن والبيبي كريم واليوم بتكلم عن :




اساس من ميك اب فور ايفر (( HD High definition foundation ))

افضل و احلى اساس للبنت اللي ما تحب تجرب ولا تغامر ليش ؟ عشان الحمدلله كل ما استخدمته على اي احد واي بشرة  اكون راضية عنه 100% 
واي وحدة تسألني اش افضل فاونديشن اجاوبها بهذا .. طبيعي مافي افضل فاونديشن بس تعبت وانا اشرح واقول مو شرط اللي ناسبني يناسبك مو شرط اللي كان مو حلو   علي يكون مو حلو عليك انا بشرتي مختلطة انتي مثلا جافة جدا طبيعي شيء انا حبيته انتي ما تحبينه و إلخ من هذا الكلام 

لكن هذا الفاونديشن بالذات احس يمشي مع اي نوع بشرة ممتاز للعادية والمختلطة وبرضو شوية ترطيب ويصير واو للجافة و الدهنية كمان حطي برايمر مات زي حق ميك اب فور ايفر الاسود الجديد للبشرة الدهنية وبيطلع توووحفه هههههههه

البديل الارخص له هو فوتو ريدي من ريفلون بس ما الاقي درجتي بريفلون فعشان كذا ما حصلت الفرصة عشان اقارن كويس بس هذا اللي سمعتو وقلت اقولكم فحال تبغوا ارخص 

واغلبها الاندر تون جاي على بنك اما اساس فور ايفر

• درجاتة كثيررر باندرتون وردي واصفر وبيج و للبشرة الزيتونية و اتوقع انو عندهم 26 درجة
• تقدري تبني كذا طبقة فوق بعض وتحولي التغطية من لايت تو ميديم و كمان للفل كفرج على قد ما تبغي بس مو تكثري
• احتاج اثبت التي زون ببودرة واحط برايمر قبله 
• الغطا اكبر مشكلة فيه ينفك بسرعة وينكسر كمان عشان كذا بدون غطا خخخخ

اكثر شي يريحني بالدمج البيوتي بلندر ممكن اوزعه باصباعي او بفرشة الاساس على حسب الروقان بس الدمج اكيد ما استغني عن البيوتي بلندر
هاذي يمكن 3 او رابع مرا اخذه كان عندي درجة n123 (( اللي على اليمين )) حسيتها ماعاد هي مناسبتني ابدا تقريبا اني سمرت من الكرف اول مرا تصير لي انو اساس عندي تختلف عليا الدرجة كليا كذا بس قلت ايش !!

 حاخذ شي اغمق مني واوازن وادمج بينهم رحت واخذت الجديد بالدرجة n173 غامقة علي ودرجتي الجديدة  تقريبا 153

اخذتو من العسيائي بمجمع الشرق ب 180 مكتوب على الكرتون انو ب 200 و اتوقع انو بسيفورا وفافافوم و وجوه اغلى ب 190 أو 200 عيب العيسائي انو ما تلاقي كل الدرجات ولا كل المنتجات لميك اب فور ايفر ..



هنا سواتشات من النت :

وجبت صورة من النت توضح الدرجات بالاندرتون لكل درجة ان شاء الله تساعدكم
وتقدروا كمان تطلوا على موقع سيفورا وتشوفوا الدرجات بالاندرتون لكل درجة

تلاقي ماركة ميك اب فور ايفر في :

• العيسائي بمجمع الشرق 
• سيفورا 
• وجوه 
• فافافوم 

وبس هاذي تدوينتنا لليوم اتمنى تكون عجبتكم اكتبوا تجربتكم معاه بالتعليقات او اش حابين اكتب بالايام الجاية

لا تنسوا تصلوا على النبي والسلام عليكم ورحمة الله وبركاتة