بيبي كريم ايتود هاوس

السلام عليكم ورحمة الله وبركاتة


كيف حالكم ان شاء الله مناح .. ونبدأ بالموضوع بدون مقدمات وتكملة لسلسلة الفاونديشن و البيبي كريم
اليوم بتكلم معاكم عن هذا البيبي كريم الكوري من ايتود هاوس وماعندي شيء كثير اقوله

هيا كم نقطة سريعة

• التغطية خفيفة الى متوسطة بالنسبة لي تغطي لي الاثار الخفيفة 
• فيه وقاية من الشمس SPF30 
• الالوان من البيبي كريم تقهر وما اتوقع تناسبنا اللي عندي فاتحة ورغم هذا جربته كذا مرا عشان اقدر اتكلم عنه 
• الثبات كويس يثبت تقريبا 5 ساعات 
• احساسي انو يناسب البشرات العادية المختلطة وادهنية وممكن الجافة بس مو شديدة الجفاف 
• وزعته باصابعي زي اغلب البيبي كريم 
• حسيته يمسك بالبشرة بطريقة غريبة مو زي اي بيبي كريم تحسيه خفيف على البشرة كأنو برايمر ثقيل 
• سعره ما اتذكره بس تقدروا تشوفوا امازون و اللي تعرف سعره عند التاجرات تكتب لي بالتعليقات هنا 
• اتوقع لو لقيت درجتي المناسبة ممكن اتقبله اكثر من كذا 
• الدرجات قليلة جدا و احسها كلها جاي على رمادي ما يستاهل المغامرة مو لانو مرا فاشل لا لانو ما يعطي نتيجة واو تستاهل المخاسير هههههههههه
• اتوقع اللي عندي اغمق درجة وهيا w24 
• النوع اللي عندي كوتون فت Cttton fit فيه نوع ثاني يمكن احسن منه 

و هذا اللي حبيت اقوله عنه اللي جربته وحبته تكتب تحت .. واللي جربته وما حبته تكتب كمان تحت اطلقي البلوقر اللي داخلك 

هههههههههه

وبس لا تنسوا تصلوا على النبي والسلام عليكم ورحمة الله وبركاتة