السلام عليكم ورحمة الله وبركاتة ..
كيفكم يا جميلات الجميلات ان شاء الله انكم بصحة وعافية ومبسوطين واجازتكم خلصت ورجعتوا للحماس والانجاز << ادري يتضربوني هههههههه
بس منجد من تخرجت فقدت شيء مهم مع اني مبسوطة جدا اني تخلصت من الجامعة وقرفها بس بنفس الوقت فقدت صحية الصبح وفقدت النظام اللي كنت ماشية عليه .. بس عندي خطة لنفسي الايام الجاية جهنمية ههههههههه
ونرجع لموضوع تدوينتنا .. اليوم بتكلم عن رأي في فاونديشن نارس شير قلو ليش ؟؟
عشان ابغى اخذ الجديد و ما حاخذه وانا ما كتبت رأي بهذا .. وعشان ما احس بتأنيب الضمير اني اشتريته عشان اكتب عنه وما كتبت هههههههههه
المهم نبدأ
وصفه بالموقع :
* انو يعطي لوك ديوي يعكس الضوء من بشرتك مو مات يعني
* تغطيه خفيفة الى متوسطة قابل للبناء
* يعطي نظرة انو بشرتك نظرة وطبيعية
* مخصص للبشرة العادية و الجافة الى الجافة جدا
"" سعره 45 دولار
"" متوفر ب 17 درجة
"" اخذته من امازون
رأي فيه :
- خفيف على البشرة
- تغطيته خفيفه وقابله للبناء للمتوسطة
- ما احس انو يناسب البشرة الدهنية جدا ولا الجافة جدا لانو الدهنية ما حيثبت والجافة حيبين القشور اللي بالبشرة
- مافيه ضغاط وهذا شيء مزعج طبعا بس الحلو فيه انو مو سائل مرا ممكن ينكب عليك زي استي لودر مرا سائئل ممكن ينكب
- ثباته مو جيد بالكثير بالكثير 4 الى 5 ساعات ومع تثبيت بالبودرة و تتش اب كل شوي زيه زي فاونديشن الدرق ستور
- يختفي من منطقة الانف وحوالين الفم
- ينفع لاستخدام يومي من وجهة نظري لانو خفيف
درجتي فيه medium4 / barcelona درجتي بماك nc35
ما يناسب اللي بشرتها فيها عيوب كثير و تصبغات غامقة لانو تغطيته خفيفة
احلى شيء فيه انو تحسيه فعلا خفيف و رطب على البشرة
وانتي جربتيه اش رأيك فيه لا تنسي تكتبي بالكومنت يسعدني اشوف رأيك
وبس هاذي تدوينة اليوم لا تنسوا تصلوا على النبي والسلام عليكم ورحمة الله وبركاتة
h
ReplyDelete