شكرا لكم .. ♥♥ (( قيف اواي بسيط لمتابعاتي )) (( انتهت ))

السلام عليكم ورحمة الله وبركاتة 

كيفكم بنات ؟؟ 

الصراحة مو عارفة كيف اكافئكم على الوقفة الحلوة اللي وقفتوها معاي حبيت دعمكم و كلامكم الحلو اللي ساعدني اني أوصل لهنا !!

 لولا الله ثم أنتوا ما وصلت للي انا وصلته اللحين 

شكرا لكل بنت عملت رتويت ♥♥

وشكرا لكل بنت فضلت التدوينات ♥♥

وشكرا لكل قمر أعطتني من وقتها وعلقت على التدوينات ♥♥ 

وشكرا من قلب قلبي على مشاركتكم مواضيعي بين احبابكم ... 

وأكيد ما أنسى  ..  
أمي حبيبة قلبي ..  وأخواتي .. و زوجي .. و صديقاتي ..
 اللي كانوا وراي ويرجعون فيا الحماس  كل  ما تعبت 


والبلوقر كلهم وحدة وحدة على وقفاتهم معاي ودعمي  .. خصوصا استاذتي منى اللي بفضل الله ثم بفضلها  انا اللحين فاتحة مدونة 
هيا ملهمتي الله يقوم لها اختها بالسلامة  .. شكرا استاذتي 
 واليوتيوبر كلهم كلهم بلا استثاء 

ومتابعاتي الجميلات خصوصاً (( بثينة - الهنوف )) 

ولا يهونوا الباقين كلهم ..
فترة بسيطة عرفتكم فيها وعرفتوني يمكن ما توصل 6 اشهر بس تعلقت بالتدوين مرا وتعلقت بكم وصرت اخصص لكم جزء كبير من وقتي
كل متابعة قالت لي كلمة حلوة و كل متابعة شكرتني على شيء بسيط قدمته تتاكد اني دعيت لها من قلب قلبي  وطبعا ما يخفى علينا كلنا كمسلمين ان الكلمة الطيبة صدقة  .. وانتوا ما قصرتوا .. 

حبيت اني اقدم شيء لكم ....

الشغلات بسيطه بس اتمنى تعجبكم ♥♥♥♥

 هيا 4 هدايا الأولى مني ومن جدة ميك اب وحسابها بتويتر و الانستقرام jeddah_makeup  .. 

عبارة عن فرش من ريل تكنيك من جدة ميك اب ربي يسعدها وسبق كان ليا تعامل معاها
 وسفنجة بيوتي بلندر  مني << حبيت الاسفنجة مرا وحبيت اشاركها وحدة منكم ♥♥



و الهدية الثاني من متجر جوسي ايبر  حسابها بتويتر Dantel18 

 عبارة فير جوسي ايبر مقاس 25 عندي منو ،،  قريب اشتريته ومرا جميل ♥

والهدية الثالثة مقدمة  من متجر زهرتي بالكامل .. وحسابهم بتويتر zhrtyshop  

قسائم شرائية من متجرهم 

 لأربع فائزات تقدروا تشوفوا حسابهم بتويتر و تختاري من المكياج اللي تبغي
وهذا رابط للماركة اللي بيسوقون لها
هنااا ..

و الهدية الرابعة من صالون جون لوي دافيد وهيا لبنات جدة بس
حيقدموا لامورتين منكم جلسة بديكير ومنكير 
معلومات عن صالونهم :

سيدتي، هل لديك فكرة واضحة عما تريدين، ولكن لا تستطيعين نقل المعلومة لمصفف الشعر؟

نحن في صالونات جون لوي دافيد رسمنا أفكارك و رغباتك.

يسرنا زيارتك لنا في مدينة جدة في أحد أفخم المواقع:  

برج طريق الملك، الطابق الرابع.

للاستفسار و الحجز:

02 6068678 - 02 6068679

و يمكنك التواصل معنا من خلال شبكات التواصل الإجتماعي:

Twitter: @JLD_Salon_SA

Facebook:

/JeanLouisDavidSA

Instagram: @JeanLouiDavidSA

الشروط مرا بسيطة إذا حابة تشاركي .. 
وأتمنى الكل يشارك انتي وأختك وصحبتك وأمك  وكل احد بالدنيا لانها حاجات حلوة على العيد وبتستفيدوا منها 

شروط الفوز بالقيف اواي معي ومع جدة ميك اب : 

• انك تكوني من متابعاتي الجميلات على تويتر والانستقرام 
• تتابعي جدة ميك اب على تويتر والانستقرام   ((jeddah_makeup ))
• وتشاركي بالهاشتاق #حجازية_قيف_اواي 

اما الهدية الثانية من متجر جوسي ايبر فالشروط هيا : 

• تكوني من متابعاتي على تويتر  و الانستقرام
• تكوني من متابعات متجر جوسي ايبر على تويتر (( Dantel18 ))   و الانستقرام  على Dantel_18
• وتشاركي بهاشتاق #حجازية_قيف_اواي

أما الثالثة مقدمة من متجر زهرتي بالكامل وقدموا لنا هدايا قيمة عبارة عن قسائم شرائية من متجرهم لاربع فائزات كل قسيمة بمبلغ ٥٠٠ ريال 

الشروط هيا :

•  من متابعاتي على  تويتر  
• تتابعي متجر زهرتي على تويتر  
• وتشاركي بالهاشتاق #حجازية_قيف_اواي 

اما الجائزة الرابعة  من جون لوي دافيد الشروط هيا : 

• من متابعاتي الجمبلات على تويتر 
• تتابعي حساب صالون جون لوي دافيد 
• تكوني من جدة 
• وتشاركي بالهاشتاق #حجازية_صالون_جون_لوي_دافيد

و لو كنتي مصيفة هنا عندنا بجدة شاركي وتدلعي ♥♥



بإمكانك تشاركي فيها كلها  بس تكتبي بالهاشتاق اش الهدية اللي تبغيها مثلا من جدة ميك اب  و تغريدة ثانية تكتبي ابغى هدية متجر زهرتي و تغريدة ثالثة ابغى جوسي ايبر وضروري تكتبي بالهاشتاق لاني حختار من هناك ما حختار من المنشن 
و انتبهي  صالون جون لوي دافيد هاشتاقه غير 

 تنتهي المسابقة بعد اسبوعين ولا تنسي تشاركي اخواتك وصحباتك التدوينة 

هذا الشيء البسيط اللي حبيت اقدمه لكم ... وسعيت فيه عشانكم ويارب تكون عجبتكم الهدايا و حيكون فيه قيف اواي ثاني  ان شاء الله واحياني واحياكم ♥♥

شكرا من القلب وودي اعبي الصفحة قلوب من سعادتي فيكم كسبتكم اخوات وصحبات وان شاء الله ما نتفارق ابدا   ♥♥♥♥♥♥ 

لا تنسوا تصلوا على النبي عليه الصلاة والسلام 

والسلام عليكم ورحمة الله وبركاته 

احبكم ياخي ♥♥

..