فاونديشن ميك اب فوريفر الستيك الجديد // Make Up For Ever "Ultra HD" stick Foundation Review

السلام عليكم ورحمة الله وبركاتة .. و نكمل مع الفاونديشن الستيك امس تكلمت عن السائل وتقدروا تشوفوا التدوينة السابقة



يوصفونه بأنه : 

• مناسب لجميع البشرات 
• متوسط التغطية لتغطية كاملة 
• يرطب البشرة 
• مظهر طبيعي 
• الفاونديشن الامثل للكونتورينق 

بالنسبة لرأي فيه : 

التغطية : متوسطة لتغطية كاملة

الثبات : تقريبا 4 الى 5 ساعات لو ما ثبتي ببودرة واكثر على حسب بشرتك

الالوان والدرجات : محدودة شوي تقريبا 15 درجة

منظره على البشرة : طبيعي وخفيف جدا
افضل البرايمرات استخدام معاه : للبشرة المختلطة والعادية من ميك اب فوريفر السموذنغ الرمادي  والمتفاينغ الاسود الجافة ما يحتاج احس لانه مرطب

طريقة الاستخدام : حطيته مباشرة على وجهي ووزعته بستبلينق برش و طلع روعة  .. استخدمته بالبيوتي بليندر مبلولة وما حبيت النتيجة حبيت اكثر ببيوتي بليندر جافة

الاندرتون : الـ Y  يعني اندر تون اصفر يناسب البشرات الدافية والعربية عموما
الـ R البشرات الباردة و المحايدة

الدمج : يندمج بسرعة مو غثيث ولا ياخذ وقت

منظره على البشرة : طبيعي جدا اكثر من اللكويد ما ممسك فالمناطق الجافة

يناسب مين :
مناسب للبشرات الجافة جدا جدا اما العادية الى المختلطة تحتاج برايمر و بودرة الدهنية بيجي حلو عليها ولكن بيدهن بسرعة

لازم لازم لازم اثبت ببودرة لان بشرتي مختلطة
بالنسبة لي حبيته اكثر من السائل لانه اعطاني تغطية اكثر و كمان ديوي بس مو ديوي بشكل مزيت ساتين كانو بشرتك الطبيعية

فالنهاية يمكن اللي نا سبني ما يناسبك فجربوه قبل تشترونه
الشيء السيء ان هالفاونديشن ما نزل عندنا للاسف بس اتوقع موجود بالامارات و الكويت
درجتك القديمة فالسائل ممكن يقابلها فالستيك نفس الدرجة  و هذا جدول موضحة فيه الدرجات

عموما الاندرتون الاصفر مو اصفر مرا بيج مع اني احب الاصفر اكثر هههههههه بس منظر الفاونديشن على البشرة مرا طبيعي وجميل

اللي بشرتها دهنية حتحب السائل اكثر مو انو ما حيناسبها الستيك لا بيناسبها بس الثبات ما حيكون طويل وبيدهن ويحتاج تمري كل شوي عليه بالبودرة
و اللي بشرتها جافة حتحبها الاثنين مع مراعاة البرايمر المناسب مع الفاونديشن السائل
فالاخير لا تتوقعي من فاونديشن يحل جميع مشاكلك او يبين بشرتك بيرفكت لو ما اعتنيتي ببشرتك فحافظي عليها