مفضلاتي الجميلة (( اشياء احبها ))

السلام عليكم ورحمة الله وبركاتة
كيفكم بنات ان شاء الله كويسين .. ها بدأتو تذاكرون ولا لا !!
انا عني ختمت المناهج كلها << كلام زي الهرج هههههههههههه
الصراحة اخذت بريك من كل شيء وقلت انزل هالتدوينة الجميلة وفيها اشياء حبيتها وحابة اقولكم عليها .. اعترف اني ما قد سويت مفضلات و السبب الى الان مجهول مع اني استمتعت وانا اسوي هالتدوينة .

بتكلم اكثر شيء عن مفضلاتي بالميك اب وكم حاجة علقت عليها هالشهرين اللي فاتت اول حاجة بتكلم عن منتجين من بنفت
حبيتها و ادمنتها
تكلموا عنها بلوقر كثير اول منتج اللي هو البرايمر ستي فلولس

البرايمر اللي على اليمين الاسود هذا اخذتوا بعد ما شفت ريفيو لحنان النجادة و كيف تستخدمه شدني طريقة شرحها و كيف انو بسرعة ينشف وهيك
المهم تحمست اخذه مرا ورحت واشتريته من وجوه واخذت معاه هاذي البودرة التابعة لبرايمر بروفيشنال اللي من بنفت كمان

طيب اش المتوقع انو يعطيك هالبرايمر .. اللي بيسوقون له انو بيخلي اساسك يثبت لمدة 15 ساعة و مو بس يظل 15 ساعة لا كمان يكون فلولس من دون ما يتخرب الاساس ويظل جميل زي ما حطيتيه سعره نسيته مرا بس اتوقع فوق 150 مو اقل

الريفيوات كانت ناس حبتتتتته و ناس كرررررهته مافي حل وسط هههههههههه استغربت صراحة و يمكن هذا الشيء خلاني اتحمس لو ابغى اجربة .. اول استخدام كان ناجح بكل المقاييس يمكن لاني عرفت طريقة تجربته قبل ما اخذه التعليب مرا كيووووت

فكرته زي الغرا يمسك الاساس على البشرة كيف استخدمته ؟

على بشرة نظيفة و عليها بس المرطب اليومي حقي بدأت بخدي ووزعته و بسرعا قبل يجف حطيت البرونز و البلاشر بس و كملت باقي وجهي
بنفس الطريقة الجبين والانف والدقن حطيت عليها بودرة البروفيشنال عشان اخفف اللمعان ما ابغى وجهي يلمع هديك اللمعة الدهنية  للدوام

و عشان ما اطول بالهرج هههههههه تجربتي كتبتها بالتفصيل بالانستقرام حقي وحسابي Ab00la اللي بالنص صفرين
 بالنسبة للبودرة بيسوقون لها على انها تشيل اللمعان و طبيعي اي بودرة تسوي نفس الشيء لول

حبيتهم الاثنين البودرة اكثر شيء حبيته فيها انها عملية جدا حجمها مناسب و اقدر اشيلها لاي مكان و اذا حسيت وجهي يلمع رجعت حطيت لانو فيها فرشة بالجزء السفلي فتعليبها كيوت وعملي و تقدروا تشوفوا لها فيديوات كيف تعليبها عملي

حبيتها وادمنتها للدوام بالطريقة اللي ذكرتها بدون اساس بس بلاشر وبرونز تثبتها لي و ارجع البيت ولسا البلاشر والبرونز موجودين وانا بالعادة ماكانت تثبت نص ساعة فالداوام
اما مع الاساس اختلفت العلوم شوي التي زون ( الجبين - الانف -الدقن ) اتكسر و تجمع الاساس حوالين الانف بشرتي التي زون دهني والخدود عادية على الخدود كان مرا كويس بس التي زون لا ما حبيته عليها بجربه مع برايمر بروفيشنال واشوف .

اسعارها اعذروني مرا ناسيتها !

ثالث ورابع شيء من المفضلات محددين من نكس الوانها طبيعيه و صرت استخدمها اساس لاي روج طبيعي نود الاول اسمه
soft brown 819 سوفت براون اللي تحت اللون جاي كورال على بيج مو عارفة كيف اوصفه بس مرا حلو و جميل الثبات واو و صرت احطه على كل شفايفي مع قلوس بعد شوي حوريكم اياه
والثاني اسمه ever 828 ايفر  كمان قريب للون الشفايف الطبيعي بس اللون على بنك او لحمي اكثر برضو ممكن احطو بدون روج واكتفي بالقلوس او حتى من دون قلوس
اسعارها اتوقع من 20 الى 30 اخذتها من موقعهم لاني كرهت ستاندات نكس عندنا لانها دايما فاضية .

مع اني ما كنت احب القلوسات و لا كنت اتوقع اني بستخدمها الا ان هذا القلوس اللي من بنفت حبيته و استخدمه مع محددين نكس اللي فوق تعطي امتلاء للشفايف كمان مناسبة للصيف مرا وصار ادماني الجديد
اسمه coralista كوراليستا مشمشي على بنك طبعا لونه يعتمد على لون الشفايف الاساسي اذا بتحطيه لوحده حلو للدوام وللخرجات البسيطة لصحباتك وكذا اما بالنسبة للثبات لا ما يثبت للاسف بس لونه جميل و قوامه حلو وخفيف جبت لو سواتش من النت

كذا يكون شكله مرااا حلو جاني مع المجموعة الكبيرة اللي من بنفت صورتها قبل فترة كمان بالانستقرام

و البلاشر الفزيع الخطير الجميل من اتش اند ام بالدرجة سويت روز sweet rose  من زمان ماخذته سعره شيء 30 اتوقع
الثبات ما  اقدر احكم لاني ما جربت بحياتي بلشر باودر وثبت فترة طويلة لكن اللون جميل

الروج المفضل بهاذي الفترة من جيسيكا تلاقوها بالكشاك بالمولات يعتبر كريمي لونه حلو مشمشي كمان ومناسب للصيف بالنسبة للثبات مو اكثر من ساعتين رقمو 40 عيبة يطلع من حدود الشفايف ينتشر وياخذ راحتو حبتين حتى مع المحدد بس لونه عاجبني و حخلصة ان شاء الله هههههههههههه

محمود سعيد الحب معليش و الله مستحية منو انو احطو بمفضلاتي هذا شيء مست هاف لازم يكون عندك لا تستخدمية بس حطية بمكياجك بتحتاجيه على قد ما اجرب ارجع له اللي تقول يسيح ويلصق بالجفن فوق اقول لها اسسي عينك حطي برايمر و ظل لو لون واحد وانا اضمن لك يثبت وما يوسخ الدنيا واللي تقول صعب بالرسم ارسمي باللي ترتاحي فيه وبعدين عيدي عليه بمحمود سعيد .. سواد فاحم و ثبات وسعره 10 -15 يا بلاش ويطول عندك انا استخدمه شبه يوميا على خط الرموش يعطي كثافة لشكل الرموش او ارسم فيه سحبة خفيفة للعين

من مفضلاتي كمان نيكد الاول و نيكد 3 الوان جميلة و بجمنت حلو اذا مفكرة تشتري من نيكد و مو عارفة اي واحد انصحك ب الاول او الثاني و بعدها خذي 3 لانو اضافة نيكد الاول حفرت الوانه حفر ههههههههه خصوصا المطفية وهي  buck و naked و لتحت الحاجب لون فيه لمعه شوي virgin
وفي كل لوك لازم استخدم واحد منها
و نيكد 3 و اللي شكلو بينحفر وهو ماله وقت عندي لول .. اعطتني اياه اختي عبير حسابها بالانستقرام abeer_stoor
والالوان اللي صرت استخدمها يوميا هيا nooner و limit و strange و مطفيه مافيها اي شيمر

حسوي ان شاء الله ريفيو لنيكد 3 بالسواتشات وكل شيء اذا حابين شوفوا الالوان اللي كتبت عنها بالنت و انتظروا الريفيو عنه .

كمان من مفضلاتي كحل اربن دي كي 24/7 اسود ثابت احيانا ما احطه لاني اشيل هم كيف امسحه هههههههه كريمي وسواده فاحم احيانا ارسم به على جفني و اثبته بشدو اسود كمان على الرموش السفلية سعره ما اعرف لانو جاني مع باليت سموكد

الثلاث الفرش اللي كرفتها هالفترة بالمكياج اليومي البسيط هي  من فوق لتحت :

• سيقما e36 
• ريل تكنيك مجموعة الوجة contour brush 
• ريل تكنيك مجموعة الوجة كمان buffing brush 

بتكلم اول حاجة عن فرش ريل تكنيك الكنتور برش استخدمها للهايلاتر و كمان البرونز و احيانا البلشر اذا كنت مستعجلة 

و الثانية البفنج برش استخدمها لتوزيع البيبي كريم او دمج الكنتور والهايلايتر الكريمي تنظيفها سهل شعراتها ثابتة 

اما سيقما جميلة للدمج المحدود او للعيون الي جفنها صغير ما تنشر اللون بكل مكان زي باقي فرش الدمج من اهم الفرش اللي عندي ودايما بشنطة المكياج اخذتها مع مجموعة العيون اللي تجي 8 فرش اذا حابين ريفيو عنها قولوا لي كمان طلبتها  من عند اختي عبير بالانستقرام abeer_stoor 

البيوتي بليندر من اكثر الاشياء اللي انصح فيها لتوزيع الاساس الكريمي السائل او الباودر سواء مبلولة او جافة
انا احسها شيء جميل للبشرات الجافة اذا كانت مبلولة  لانها تعطيها ترطيب و لوك ندي و مناسبتني انا كمان وبشرتي مختلطة
عند التاجرات متوفرة بس .

قطعة تنظيف الوجة من دايسو من الاشياء اللي ريحتني بتنظيف الفرش موجودة بمحل دايسو بالرياض مو موجود بجدة سعرها 7 ريال 

اما اللحين باقي الاشياء العشوائية مو من المكياج ..

كريم دوف للايدين نعومة فورية وريحة جميلة وسعره اتوقع 9 - 15 ترطيبة سريع يخلي يدك ناعمة بسورعا بس مو ترطيب عميق يعني تغسلي يدك ولا كأنك حطيتي كريم هههههههه

بس النعومة اللي يديني هيا جميلة و احبو صراحة ورخيص و اغلب الاوقات بشنطتي 

بخاخ المفارش من الماجد اسمو فراش وهج الكمية 250 مل  اخذتو من السلام الدور الثاني اتوقع سعرو 120 لما مريت من جنب المحل شميت ريحة تههههههبل و دخلت على وجهي عندهم وجلست اشمشم ادور الريحة الحلوة هاذي المهم سألتو عن بخور وطلعو ليا ريحتة حلوة بس لما جبتة البيت مافي ثبات يعني بالكثير 6 ساعات انا احب البخور اللي يمسك بكل شيء حتى السيراميك 

ونرجع لموضوعنا اللي هو البخاخ هههههههه لازم احكي قصة عمري طلعو ليا بعد ما اعطاني البخور وقام يقول لي يثبت البخور ومدري ايش طبعا انا ما صدقته لانو اعرف كل ما كان الاثاث رطب يمسك ريحة البخور اكثر وانا احط بعلبة بخاخ ربع كمفورت او داوني و الباقي موية وارش قبل ابخر ويمسك الريحة .. اش اللي خلانيي اخذه طيب ريحتتتتتته ريحتة تجنن ما اعرف كيف اوصفها لكم روحوا شموها بمحلهم و اذا عجبكم قولوا لي أمانة

 بيخلص خلاص و لو رجعت اخذه فهو عشان ريحتة الحلوة 

وبكذا اكون خلصت مفضلاتي الكثيرة الطويلة اللي ما بغت تخلص ههههههههههه

طويلة التدوينة صح !؟ 

وبس كذا لاتنسوا تصلوا على النبي عليه الصلاة والسلام 

والسلام عليكم ورحمة الله وبركاتة ..